पोखरा ।
होमस्टे महासंघ गण्डकीको सात दिने प्रशिक्षक प्रशिक्षण आइतबारदेखि पोखरामा शुरु भएको छ।
उक्त प्रशिक्षणको जिल्ला समन्वय समिति कास्कीका प्रमुख लिलाधर पौडेलले उद्घाटन गरेका थिए। पौडेलले होमस्टे सञ्चालकहरूको स्थानीय पर्यटन प्रबर्द्धनमा महत्त्वपूर्ण भुमिका रहेको उल्लेख गर्दै आन्तरिक पर्यटन प्रबर्द्धनका काममा योजनाबद्ध तवरले लाग्न आग्रह गरे ।
पौडेलले स्थानीय उत्पादनको प्रयोगमा जोड दिन आग्रह गर्दै स्थानीय कला संस्कृतिको पहिचान ,संरक्षण र प्रचार प्रसारसंगै स्थानीय गन्तव्यहरूको उचित सम्भार र विकासका कार्यक्रम सञ्चालन आजको टड्कारो आवश्यकता भएको भन्दै स्थानीय तहहरूले सोही अनुसार नीति कार्यक्रम निर्माण गर्न आग्रह गरे ।
उद्घाटन कार्यक्रममा होमस्टे महासंघका केन्द्रीय उपाध्यक्ष थानेश्वर बस्याल ,महासंघकै केन्द्रीय महासचिव कृष्णलाल चौधरी , होमस्टे महासंघ गण्डकीका सचिव कृष्ण तिमिल्सिना ,भुम्दी आमा समुहका अध्यक्ष राधा गुरुङ ,भुम्दी टुनार सामुदायिक होमस्टेका अध्यक्ष राम गुरुङ सहितले मन्तव्य व्यक्त गरेका थिए।
होमस्टे महासंघ गण्डकीका अध्यक्ष धनिराम गैह्रेको अध्यक्षतामा सम्पन्न उद्घाटन कार्यक्रममा स्वागत उपाध्यक्ष मोहन खनाल र सञ्चालन होमस्टे महासंघ गण्डकीका निवर्तमान अध्यक्ष हरिलाल पौडेलले गरेको भुम्दिका स्थानीय होमस्टे सञ्चालक याम गुरुङले जानकारी दिए।
