काठमाडौं ।
स्रोत नखुलेको ८० लाखसहित एक व्यक्ति पक्राउ परेका छन् ।
प्रहरीले भक्तपुरबाट स्रोत नखुलेको ८० लाख रुपैयाँसहित काठमाडौं कोटेश्वर बस्ने ३६ वर्षीय चित्रबहादुर पुन मगर पक्राउ परेका हुन् । बागलुङ गल्कोट नगरपालिका १० पाण्डवखानी स्थायी घर भएका चित्र गएराती मध्यपुर ठिमी नगरपालिका-१ लोकन्थलीबाट पक्राउ परेका हुन् ।
हुण्डीको कारोबार भइरहेको भन्ने सुचनाको आधारमा प्रहरीले मगरलाई बा ४९ प ८५६५ नम्बरको स्कुटर र नगद ३० लाख रुपैयाँसहित नियन्त्रणमा लिएको थियो।
अनुसन्धानको क्रममा उनको कोठाबाट थप ५० लाख रुपैयाँ फेला परेको महानगरीय प्रहरी परिसर भक्तपुरले जनाएको छ ।
