दमौली ।
तनहुँमा मोटरसाइकलको ठक्करबाट एक वृद्धाको ज्यान गएको छ ।
पृथ्वीराजमार्ग अन्तर्गत तनहुँको व्यास नगरपालिका–१२ देउरालीमा मोटरसाइकलको ठक्करबाट सोही ठाउँ निवासी ७२ वर्षीया चेतकुमारी जैशीको मृत्यु भएको जिल्ला प्रहरी कार्यालय तनहुँले जनाएको छ।
छिर्कनेबाट दमौलीतर्फ आउँदै गरेको ग१६प १६७७ नम्बरको मोटरसाइकलको ठक्करबाट घाइते जैशीलाई रत्नहरि अस्पताल पुर्याइएकोमा चिकित्सकले मृत घोषणा गरेका थिए।
मोटरसाइकल र चालक प्रहरी नियन्त्रणमा छन्।
