पोखरा ।

पोखराको पर्यटकीय एवं धार्मिक स्थल पुम्दीबाट पोखरा आउँदै गरेको बस दुर्घटना भएको छ । दुर्घटनामा परेर दाङ तुल्सीपुर उपमहानगरपालिका ४ बस्ने बर्ष १७ की सन्ध्या रसाईली र सोही ठाउँकी १९ वर्षिया मनिषा रसाइली घाइते भएकी हुन ।  घाइतेहरुको पोखराको नमस्ते अस्पतालमा उपचार भइरहेको छ ।

नवयुग डान्स क्लव दाङबाट भ्रमणका लागि पोखरा आएको रा १ ख २१०६ नम्बरको मिनी बस दुर्घटनामा परेको हो । बसमा सवार २४ मध्ये दुई जना सामान्य घाइते भएको जिल्ला प्रहरी कार्यालय कास्कीका प्रवक्ता प्रहरी नायव उपरीक्षक बसन्त कुमार शर्माले जानकारी दिए ।

बस रुखमा अल्झँदा ठूलो क्षति हुनबाट जोगिएको जिल्ला प्रहरी कार्यालय कास्कीका प्रवक्ता  बसन्त कुमार शर्माले जानकारी दिए ।