सुनसरी ।

सप्तकोशी नदीमा यात्रुवहाक बस खसेको छ । पूर्व-पश्चिम राजमार्गअन्तर्गत कोशी ब्यारेजको पुलको सप्तरी तर्फको क्षेत्रबाट को १ ख ४६०१ नम्बरको बस बिहीबार खसेको सुनसरीका प्रहरी प्रमुख प्रहरी उपरीक्षक बिपिन रेग्मीले जानकारी दिए जानकारी दिए ।

उनका अनुसार बस ब्यारेजको पुलस्थित ३४ नम्बर ढोकाको दक्षिणतर्फ खसेको हो । बसको ढोका बन्द रहेको र सो स्थानमा बालुवा रहेकाले मानवीय क्षति हुन नपाएको एसपी रेग्मीले बताए ।

बसबाट २० जनाको उद्दार गरिएको र केही घाइतेलाई भन्टावारीस्थित क्लिनिकमा र अन्यलाई थप उपचारका लागि धरान पठाइएको छ ।  बस आफैं अनियन्त्रित भएर पुलको बार भत्काउँदै नदीमा खसेको प्रहरीले जनाएको छ । चालकलाई इलाका प्रहरी कार्यालय भारदहको नियन्त्रणमा लिएको छ ।

बस विराटनगरबाट साढे ३ बजे गाईघाटका लागि छुटेको जनाइएको छ ।