पर्वतमा एक दम्पती घरभित्रै मृत भेटिएका छन् । पर्वतको जलजला गाउँपालिका वडा नम्बर २ मा सूर्यबहादुर घर्ती र उनकी श्रीमती गमला घरभित्रै मंगलबार बिहान मृत फेला परेको जिल्ला प्रहरी कार्यालय पर्वतले जानकारी दिएको छ ।

घटनास्थल हेर्दा कसैले हत्या गरेको जस्तो देखिने वडाअध्यक्ष प्रकाशबहादुर घर्ती क्षेत्रीले बताएका छन् । उनको अनुसार घटनास्थल रगताम्मे छ ।प्रहरी टोली घटनास्थलमा पुगेर अनुसन्धान सुरु गरेको छ ।