प्रवास।
वैदेशिक रोजगारीको लागि कुवेत पुगेका ३ नेपालीको ज्यान गएको छ । १२ मार्च २०२४ का दिन उनीहरूको सडक दुर्घटनामा परी ज्यान गएको हो।
ज्यान गुमाउनेमा सानो भर्याङ्ग, नागार्जून-२ काठमाडौंका सुजन कार्की , लयती पन्चदेवल विनायक-५ आछामका सुरत बहादुर कडायत र वेंगादवार-३ धनुषाका धिरज गुर्मछान मगर रहेका छन्।
साथी सुरतको कोठाबाट कम्पनीको कामको लागि हिंड्ने क्रममा बाटो क्रस गर्दा स्थानीय नागरिकको गाडीले ठक्कर दिंदा ३ जनाको घटनास्थलमै ज्यान गएको बताइएको छ ।
मृतकहरु कुवेतको पापाजोन कम्पनीमा काम गर्दै आएका थिए । घटना पश्चात गाडी चालकलाई प्रहरीले नियन्त्रणमा लिइएको छ । मृतकहरुको शवलाई पोष्टमार्टमको लागि फरवानिया हस्पिटल राखिएको बताइएको छ।
नेपाली राजदूतावासको अनुसार दुर्घटनाको सुचना पाए लगतै परिवार तथा कम्पनीसँग सम्पर्कमा रहेको र मृतकका शवहरु नेपाल पठाउने तथा इन्सुरेन्सको लागि पहल गर्नुको साथै आवश्यक प्रक्रिया अगाडि बढाउने जानकारी गराएको छ ।
