काठमाडौं ।
विवादमा तानिएका गभर्नर महाप्रसाद अधिकारीको राजीनामाको माग गर्दै आज पनि बालुवाटारमा प्रर्दशन हुने भएको छ ।
सत्तारुढ दल नेपाली काँग्रेस र माओवादी केन्द्र निकट विद्यार्थी सङ्गठनहरू नेविसंघ र अखिल९क्रान्तिकारी०ले गभर्नर अधिकारीको राजीनामाको माग गर्दै घेराउ र विरोध प्रदर्शन गर्ने भएका हुन् ।
दलीय संलग्नता र शैक्षिक योग्यता समेतका विषयहरूमा प्रश्न उठेको भन्दै युवा विद्यार्थी सङ्गठनहरू केही दिन यता आन्दोलित रहेकोमा नेविसंघ र अखिल९क्रान्तिकारी०ले पनि घेराउ र विरोध प्रदर्शन गर्न लागेका हुन् ।
आइतबार बिहान १० बजे बालुवाटार ३ नम्बर गेटसँगै रहेको नेपाल राष्ट्र बैकको गेटमा जम्मा भई गभर्नर अधिकारीलाई कार्यालय प्रवेशमा रोक लगाउने कार्यक्रम रहेको अखिल९क्रान्तिकारी०का उपाध्यक्ष जीपी मैनालीले जानकारी दिए ।
