काठमाडौं ।
जनता समाजवादी पार्टीको आज अलग अलग बैठक बसीरहेको छ । विभिन्न विवादको बीच फुटको संघारमा पुगेको जसपाका अध्यक्ष उपेन्द्र यादव र डा. बाबुराम भट्टराई पक्षको छुट्टाछुट्टै बैठक बसेको हो ।
डा.भट्टराईले बोलाएको संघीय परिषद्को बिस्तारित बैठकमा २३० जना केन्द्रीय सदस्य सहभागी भएको जसपा नेता विश्वदीप पाण्डेले जानकारी दिए ।
४९९ सदस्यीय केन्द्रीय समितिका २३० जना बाबुरामतिर खुलेको दाबी पाण्डेको छ । यो भनेको जसपाको विभाजनका लागि कानूनबमोजिमको ४० प्रतिशतभन्दा बढी हो । संसदीय दलमा पनि आफूहरुको ४० प्रतिशत पुग्ने दाबी बाबुराम निकट नेताहरुको छ ।
