पोखरा ।
प्राय राजनीतिक माहोलले तातिने पोखराको पृथ्वीनारायण क्याम्पसमा आगामी आइतबार साँगीतिक माहोल बन्ने भएको छ । आइतबार पिएन क्याम्पसमा निभर्या वुमेन इन कन्सर्ट २०२३ हुन लागेको हो ।
अभया एण्ड द स्टिम इन्जिन्स लगायतका चर्चित ब्याण्डले पिएन क्याम्पसको माहोललाई तताउने भएका छन् । कन्सर्ट बिहान १० बजेबाट सुरु हुने छ ।
कन्सर्टमा मेघा श्रेष्ठ, द ड्रिमर्ज, अभया एण्ड द स्टिम इन्जिन्स र द इनफ्लेमको प्रस्तुती रहने छ । कन्सर्टमा प्रवेश निशुल्क रहेको कार्यक्रम संयोजक आरजु घोताने गुरुङले जानकारी दिए।
गुरुङले पोखरा आसपासका युवाहरुलाई कन्सर्टमा सहभागि भएर मनोरञ्जन लिन र कार्यक्रमलाई सफल बनाउन आग्रह गरेका छन् ।
