पोखरा ।

चैत २४ गते पोखरामा गायक अर्पूव तामाङको लाइभ कन्सर्ट हुने भएको छ ।

पोखराको लेकसाइडमा रहेको प्याराडिसो स्पोर्ट्स बार एण्ड ग्रिलमा चैत २४ गते साँझ लाइभ कन्सर्ट हुने भएको हो ।

दार्जलिङका गायक तामाङ नेपालमा पनि चर्चित छन् । उनका नेपाली भाषाका गीत टिकटिक निकै चर्चामा छन् । उनी नेपाली युवा पुस्ता माझ निकै चर्चित गायक हुन् । उनका कवितामा लेखेको भावना कल्पनामा दिने गर्दछौ, माया अनौठो, भन्नु त तिमिलाई धेरै छ । तर भन्नै सकिन, अध्यारो त्यो दिन अध्यारो त्यो रात, तिम्रो आवाज नै हो मेरो जीवनको जुन, सुनिदेउ, तिमि सँगै, मनका भावना भावना लागएतका गीत चर्चित छन् ।

साझँ ८ बजे देखी मध्यरातसम्म चल्ने कार्यक्रममा लाइभ कन्सर्टमा उनले आफ्ना चर्चित गीतले मनोरञ्जन दिने छन् । कार्यक्रमको टिकट अग्रिम अनलाइनबाट पहिले नै बुकिङ गर्न सकिने प्याराडिसो स्पोर्ट्स बार एन्ड ग्रिलका म्यानेजर हरी पौडेलले जानकारी दिए ।

उनले क्युआरकोड प्रयोग गरेर इसेवाबाटै अग्रिम टिकट ५ सयमा लिन सकिने भने डोर सेलमा १ हजार रुपैया र क्यान वियर पाइने बताए । अग्रम टेबल बुकिङ समेत गर्न सकिने उनको भनाई छ । तामाङलाई द व्यव र डिजे एलेक्सले साथ दिने छन् ।