पोखरा ।

पोखरा रंगशाला क्रिकेट मैदानमा आज (बुधबार)देखि पोखरामा बलियो नेपाल कप यू–१९ क्रिकेट प्रतियोगिता हुँदै छ ।

आज देखि सुरु हुने प्रतियोगिता चैत्र २७ गते सम्म जारी रहनेछ । बलियो नेपाल न्युट्रिसन इनिसिएटिभको आयोजनामा हुने प्रतियोगितामा देशभरका ६ क्रिकेट एकेडेमीले प्रतिष्पर्धा गर्नेछन् ।

बलियो नेपालका वित्त तथा प्रशासन व्यवस्थापक प्रकाश बख्रेलका अनुसार इलाम क्रिकेट एकेडेमी, कर्णाली क्रिकेट एकेडेमी, स्टार क्रिकेट एकेडेमी, जनकपुर क्रिकेट एकेडेमी, पोखरा क्रिकेट एकेडेमी र पल्सर क्रिकेट एक्सिलेन्स सेन्टर प्रतिस्पर्धी हुँदै छन् । ६ टिमलाई दुई समूहमा विभाजन गरिएको छ । लिगकम नकआउटका आधारमा टी–२० फर्म्याटमा खेल हुनेछ ।