एजेन्सी ।
अमेरिकाको टेनेसी राज्यको नासभिलमा रहेको एक विद्यालयमा गोली चल्दा तीन बालबालिकासहित छ जना मारिएका छन् ।
गोली लागेर मारिएका बालबालिका ९ वर्षका रहेको जनाइएको छ । गोली हानाहानमा मारिएका तीन वयस्कको उमेर ६०–६१ वर्षको आसपास रहेको छ ।
प्रहरीको जवाफी कारबाहीमा २८ वर्षीय आक्रमणकारी अड्रे हेलको ज्यान गएको छ । उनी विद्यालयका पूर्व विद्यार्थी रहेको अन्तर्राष्ट्रिय समाचार एजेन्सीहरुले जनाएका छन् ।
घटनाप्रति दुःख व्यक्त गर्दै अमेरिकी राष्ट्रपति जो बाइडेनले मार्चको अन्त्यसम्ममा राष्ट्रिय झन्डा आधा झुकाउन निर्देशन दिएका छन् ।
