काठमाडौं ।

फिल्म ‘पशुपति प्रसाद २ : भष्मे डन’ मा जोडिएकी अभिनेत्री स्वस्तिमा खड्काको चलचित्रमा भएको एक्सक्लुसिभ लुक्स सार्वजनिक भएको छ ।

सुटिङ सेटबाट सार्वजनिक भएको लुक्समा खड्का दुर्गा भवानीको अवतारमा देखिएकी छिन् ।देवी दुर्गाको अवतारमा प्रस्तुत भएकी उनीसँग पशुपति परिसरमा आशिर्वाद लिन र फोटो खिच्न चाहनेको घुइँचो छ । अनुहारमा पोतिएको रङ र दुर्गामाताको गेटअप हेर्दा फिल्ममा स्वस्तिमाको पात्र निकै रोचक हुन सक्ने अनुमान गर्न सकिन्छ ।

यतिबेला फिल्मको सुटिङ पशुपतिनाथ मन्दिर क्षेत्रमा धमाधम भइरहेको छ । २०७३ सालको यो हिट फिल्मको स्पिनअफको शीर्षक ‘भष्मे डन’ राखिएको छ । गत शुक्रबारदेखि सुरु छायांकन पशुपति क्षेत्रमा एकमहिना चल्नेछ ।

छायांकन सेटबाट अभिनेत्री स्वस्तिमा खड्काको ‘एक्सक्लुसिभ’ पात्र लुक्स सार्वजनिक भएको छ, जहाँ उनलाई दुर्गा भवानीको रुपधारण गरेको देख्न सकिन्छ ।