पोखरा ।
आज रातिदेखि तनहुँको घाँसीकुवा खण्ड बन्द हुने भएको छ।
मुग्लिङ–पोखरा सडकखण्ड अन्तर्गत तनहुँको याम्पा फाँट र घाँसीकुवा खण्ड आज जेठ २२ गते राति ११ बजेदेखि बिहान ४ बजेसम्म बन्द हुने भएको हो ।
सो क्षेत्रमा सडक खण्डलाई फराकिलो बनाउनको लागि खन्नुपर्ने भएकाले अर्को सूचना जारी नभएसम्मका लागि आज राति ११ बजेदेखि बिहान ४ बजेसम्म सडक बन्द गरिने मुग्लिङ–पोखरा सडक आयोजना (पूर्वीखण्ड) तनहुँले जनाएको छ ।
राति ११ बजे अगाडि र बिहान ४ बजे पछाडिको समयमा मात्र सो सडकखण्डमा गाडी चलाउन आयोजनाले आग्रह गरेको छ ।
