काठमाडौं।

प्रहरीले रौतहट मतदान केन्द्रबाट मतपेटिका लुटेर भाग्ने व्यक्तिलाई घरमै लुकेर बसेको अवस्थामा पक्राउ गरेको छ ।

मतपेटिका लुट्ने यमुनामाई गाउँपालिका वडा २ बस्ने ४६ वर्षीय चन्देश्वर बैठालाई घरमै लुकीछिपी बसेको अवस्थामा फेला पारी पक्राउ गरिएको जिल्ला प्रहरी कार्यालय रौतहटले जनाएको छ ।

पक्राउ परेका उनीमाथि निर्वाचन (कसुर तथा सजाय) ऐन, २०७३ बमोजिम कानूनी कारवाहीको लागि रौतहट जिल्ला अदालतबाट म्याद थप गरी अनुसन्धान भइरहेको प्रहरीले जनाएको छ ।