पोखरा ।
पोखरा आउँदै गरेको मोटरसाइकललाई पर्वत तर्फ जाँदै गरेको कारले ठक्कर दिदाँ एकको ज्यान गएको छ।
कास्की जिल्लाको अन्नपूर्ण गाउँपालिका १ लेवाडेमा पोखराबाट पर्वततिर जाँदै गरेको ग ३ च ३५२५ नम्बरको कारले पोखरा आउंदै गरेको ग १८ प ८१९१ नम्बरको मोटरसाइकललाई ठक्कर दिएको हो ।
सो दुर्घटनामा मोटरसाइकलमा सवार पर्वतको कुश्मा नगरपालिका ४ की १८ वर्षीया सविना पुनको ज्यान गएको जिल्ला ट्राफिक प्रहरी कार्यालय कास्कीले जनाएको छ।
मोटरसाइकल चालक ४५ वर्षीय जितबहादुर पुन गम्भीर घाइते भएका छन् । घाइते पुनको हाल मेट्रोसिटी हस्पिटल पोखरामा उपचार भईरहेको प्रहरीले जनाएको छ।
