म्याग्दी ।
म्याग्दीमा एका बिहानै भएको मोटरसाइकल दुर्घटनामा एक युवकको ज्यान गएको छ ।
मालिका गाउँपालिका–६ बाङ्गेपहिरोमा भएको मोटरसाइकल दुर्घटनामा मालिका गाउँपालिका–५ गरजराका २३ वर्षीय भविन्द्र किसानको मृत्यु भएको प्रहरीले जनाएको छ।
दरवाङदेखि बाबियाचौरतर्फ जाँदै गरेको ग९प ७४७ नम्बरको मोटरसाइकल दुर्घटना भएको हो। भविन्द्रले आफैले मोटरसाइकल चलाएका थिए ।
उनको घटनास्थलमै मृत्यु भएको हो । मोटरसाइकलको पछाडि सवार मङ्गला गाउँपालिका–२ का २५ वर्षीय सन्तोष किसानलाई सामान्य चोट लागेको छ । बिहान ३ बजे मोटरसाइकल सडकबाट करिब १०० मिटर तल खसेको थियो ।
