भक्तपुर ।
भक्तपुुरको मध्यपुरथिमि नगरपालिका–५ कमेरोटारमा रहेको स्यानिटरी गोदाममा गए राति भीषण आगलागी भएको छ ।
स्थानीय राजन प्रजापतिको ग्रिनवेयर स्यानिटरी गोदाममा आगलागी भएको हो । आगलागीमा मानवीय क्षति नभए पनि करोडौँको सामान जलेर नष्ट भएको छ ।
मध्यराति जुद्ध बारुणयन्त्र भक्तपुर, नेपाली सेना, सशस्त्र प्रहरी र नेपाल प्रहरीको टोलीले आज बिहान मात्रै आगो नियन्त्रणमा लिएको छ ।
गोदामभित्र रहेको अधिकांश केमिकल, मेसिनरी सामानलगायतका सामान जलेर नष्ट भएको र प्रारम्भिक अनुसन्धानमा करिब छ करोड बराबरको क्षति भएको प्रहरीले जनाएको छ ।
