काठमाडौं ।
अभिनेत्री केकी अधिकारीले आज लगनगाँठो कस्ने भएकी छिन् ।
केकीले फोर्ब्सको धनाढय सूचीमा परेका रोहित तिवारीसँग आज(बिहीबार) विवाह गर्न लागेकी हुन् । रोहित हाम्रो बजार डटकमका सीइओ तथा फुडमारियोका सह संस्थापक र सीइओ हुन् ।
केही समयदेखि रोहितसँग प्रेममा रहेकी केकीले आफ्नो प्रेमलाई गुपचुप राखी सुटुक्क बिहे गर्न लागेकी हुन् । बुधबार केकी र रोहितले मेहन्दी उत्सव मनाएका छन्। पारिवारिक सदस्य र केही साथीभाइबीच दुईले मेहन्दी उत्सव मनाएका हुन्।
रोहित फोर्ब्सको सन् २०२० मा एसियाबाट ३० वर्षमुनिका धनाढ्यको सूचीमासमेत परेका थिए।
