काठमाडौ ।

प्रधानमन्त्री निवास बालुवाटारमा प्रधानमन्त्री केपी शर्मा अ‍ोलीसहित प्रमुख तीन राजनीतिक दलका शीर्ष नेताहरुको बैठक जारी छ । बैठकमा नेपाली कांग्रेसका सभापति शेरबहादुर देउवा, नेकपा माओवादी केन्द्रका अध्यक्ष प्रचण्ड, गृहमन्त्री रमेश लेखक, एमाले नेता अग्नि खरेल लगायत उपस्थित छन् ।

प्रधानमन्त्रीको सचिवालयका अनुसार संक्रमणकालीन न्यायलगायत विषयमा छलफल गर्न प्रमुख नेताहरु बैठकमा बसेका हुन् । संक्रमणकालीन न्याय सम्बन्धी दुई आयोगका पदाधिकारी नियुक्ति गर्नेबारेमा यसअघि पनि शीर्ष नेताहरुबीच पटक–पटक छलफल भएको थियो ।

प्रधानमन्त्री ओलीका कानुन तथा मानवअधिकारसम्बन्धी सल्लाहकार खरेलको सक्रियतामा शान्तिप्रक्रियाको बाँकी रहेको एउटा महत्वपूर्ण पक्ष संक्रमणकालीन न्याय टुंग्याउन पछिल्लो पटक शीर्ष नेताहरुबीचका छलफल बाक्लिएका हुन् ।