पोखरा ।
पोखरामा स्कुटर जलाउने ५ जना र स्कुटर चोर्ने ८ जना पक्राउ परेका छन् ।
यहि चैत १३ गते राति पोखरा महानगरपालिका वडा नम्बर २० भलामस्थित घरमा पार्किङ गरीराखिएको ग ११ प ७५३७ नम्बरको स्कुटर चोरेर जलाएको र अन्य ९ वटा स्कुटर चोरेको आरोपमा ८ जनालाई पक्राउ गरेको जिल्ला प्रहरी कार्यालय कास्कीले जानकारी दिएको छ ।
पक्राउ पर्नेमा गोरखा स्थायी घर भई हाल पोखरा महानगरपालिका वडा नं.१६ दिप बस्ने वर्ष २० को दिनेश गुरुङ र अन्य ७ जना (१३ वर्ष देखी १६ बर्ष उमेर समुहका) बालकहरु रहेको प्रहरी नायब उपरीक्षक तथा सूचना अधिकारी बसन्त कुमार शर्माले जानकारी दिए । अन्य ७ जना नाबालकहरु रहेकाले नाम नखुलाइएको प्रहरीले जनाएको छ ।
उनीहरुलाई चैत १६ गते नियन्त्रणमा लिई कास्की जिल्ला अदालतबाट चोरी तथा डाँका सम्बन्धी मुद्दामा पाँच दिन म्याद थप गरी अनुसन्धान प्रकृया अगाडी बढाईएको प्रहरीले बताएको छ।
ग ८ प ५४२९ नम्बरको रातो रंगको डियो,ग ९ प ८३२८ नम्बरको कालो रंगको डियो, ग ८ प ७०९१ नम्बरको रातो रंगको डियो स्कुटर, ग ८ प ३०५३ नम्बरको रातो रंगको डियो स्कुटर, ग १३ प १५०४ नम्बरको सेतो रातो रंगको स्कुटर, ग १० प ७५४९ ग ८ प ३१४९ नम्बरको डियो स्कुटर, ग १३४० नम्बरको सेतो कालो रंगको डियो स्कुटर, ग ६ प ३००० नम्बरको डियो स्कुटर प्रहरीले बरामद गरेको जनाएको छ ।
