काठमाडौं ।
प्रधानमन्त्री केपी शर्मा ओली नेकपा एकीकृत समाजवादीको कार्यालयमा जाने भएका छन् । प्रधानमन्त्री ओली प्रतिनिधिसभा बैठक सकेर आलोकनगरस्थित नेकपा एकीकृत समाजवादीको कार्यालयमा जाने भएका हुन्।

उनी पहिलो पटक नेकपा एकीकृत समाजवादीको कार्यालयमा जाने भएका हुन् । ओली लेखक तथा वामआन्दोलनका पुराना नेता कमल कोइरालाको पार्थिक शरीरलाई श्रद्धान्जलि दिन आलोकनगर जान लागेका उनको सचिवालयले जनाएको छ ।

कोइराला नेकपा एकीकृत समाजवादी पार्टीका केन्द्रीय सल्लाहकार हुन् । कोइरालाको आइतबार राति उपचारका क्रममा काठमाडौं मेडिकल कलेजमा निधन भएको थियो ।

सचिवालयका अनुसार ओलीले आलोकनगर पुगेर गत शुक्रबार भएको आगजानी र तोडफोडको क्षतिको समेत अवलोकन गर्नेछन् । राजावादीहरूको अराजक समूहले आन्दोलनका क्रममा एकीकृत समाजवादीको कार्यालयमा तोडफोड र आगजनी गरेका थिए ।