काठमाडौँ ।
प्रधानमन्त्री केपी शर्मा ओलीले प्रतिनिधि सभामा सम्बोधन गर्दै गर्दा राप्रपाका सांसदले अवरोध गरेका छन् ।
प्रधानमन्त्री ओलीले तीनकुने घटनाबारे बताइरहँदा राप्रपाका सांसद ज्ञानबहादुर शाही उठेर विरोध गरे । त्यसपछि राप्रपाका अन्य सांसद पनि उठे ।
सभामुखले राप्रपाका सांसदलाई आफ्नो स्थानमा बस्न आग्रह गरे पनि नटेरीकन उनीहरू उठेर विरोध जनाएका छन् भने हो–हल्लाकै बिच प्रधानमन्त्रीले सम्बोधन जारी राखेका छन् ।
ओलीले तीनकुनेमा चैत १५ गते भएको घटनामा जो सुकै संलग्न भएको भएपनि कडा प्रशासनिक कारबाही हुने बताएका छन् । प्रतिनिधिसभा बैठकमा सम्बोधन गर्दै प्रधानमन्त्री ओलीले जो सुकै भए पनि कडा कारबाही गर्ने बताएका हुन् ।
कार्यक्रमका कथित जनकमाण्डरले प्रहरीमाथि गाडी चलाएको बताए ।
