पाेखरा ।
मदन भण्डारी स्पोर्टस् एकेडेमीकाे आयाेजनामा “सबैका लागि खेलकुद नाराका साथ यही २३ चैतदेखि ३० चैतसम्म पाेखरामा केपी ओली कप टी २० क्रिकेट प्रतियोगिता हुनेभएको छ ।
पाेखरा रंगशाला क्रिकेट मैदानमा संचालन हुने प्रतियाेगितामा ७ वटै प्रदेशबाट प्रतिनिधित्व गर्दै १२ टिमको सहभागिता हुने शनिबार पत्रकार भेटघाट कार्यक्रम मार्फत जानकारी दिइएकाे हाे ।
मदन भण्डारी स्पाेर्टस एकेडेमीका अध्यक्ष ध्रुव आचार्यका अनुसार ८ दिनसम्म संचालन हुने क्रिकेट च्याम्पियनसिपमा प्रथम हुनेले एक लाख रूपैयाँ प्राप्त गर्नेछ । द्वितीय हुनेले ५० हजार रूपैयाँ, म्यान अफ द सिरिजले ३० हजार रूपैयाँ, बेष्ट व्याट्सम्यान २० हजार रूपैयाँ र म्यान अफ द म्याचले पाँच हजार रूपैयाँ प्राप्त गर्नेछन् ।
एक कराेड ३० लाख ७७ हजार सतहत्तर हजार ३०० रूपैयाँ खर्च हुने अनुमान गरिएको छ । उक्त रकम राष्ट्रिय खेलकुद परिषद, प्रदेश सरकार, स्थानीय तह एवं विभिन्न व्यवसायीक संघसस्था, शुभेच्छुकबाट सहयोग, सहकार्य संकलन गरिने उनले बताए ।