पाेखरा ।
लायन्स ईन्टरनेस्नल डिष्ट्रिक ३२५ एमकाे आयाेजनामा अन्तर्राष्ट्रियस्तरको लायन्स कप भलिवल प्रतियोगिता हुनेभएकाे छ । आगामी १८ बैशाखदेखि २२ बैशाखसम्म पाेखरा रंगशाला स्थित कभर्डहलमा प्रतियोगिता हुने बिहीबार पत्रकार भेटघाट कार्यक्रम मार्फत जानकारी दइएकाे हाे ।
प्रतियोगितामा ६ टिमकाे सहभागी हुने डिष्ट्रिक गभर्नर चण्डीप्रसाद अर्यालले जानकारी दिए । उनका अनुसार हालसम्म पाकिस्तान भलिवल क्लव इस्लामावाद, नेपाल पुलिस क्लव, गण्डकी प्रदेश भलिबल संघ, त्रिभुवन आर्मी क्लव र नेपाल एपीएफ क्लव दर्ता भइसकेका छन् । भारत र इरानकाे टिमसंग कूराकानी भइरहेकाे र सम्झौता गर्न बाँकी रहेकाे बताए ।
प्रतियोगितामा प्रथम हुनेले चार लाख ४४ हजार ४४४, द्वितीय हुने टिमले दुई लाख ४४ हजार ४४४ रूपैयाँ, तृतीय पुरस्कार एक लाख ४४ हजार ४४४ रूपैयाँ प्रदान गरिने क्याविनेट सेक्रेटेरी शिवराज आचार्यले जानकारी दिए ।
अन्तर्राष्ट्रियस्तरमा १०७ वर्ष र नेपालमा ५३ वर्ष पूरा भएको परिप्रेक्ष्यमा नेपालको राष्ट्रिय खेल भलिवलाई प्रवर्द्धन गर्ने उद्धेश्यले राष्ट्रिय खेलकुद परिषद, नेपाल भलिवल संघ र गण्डकी प्रदेश खेलकुद परिषदको स्विकृती तथा गण्डकी प्रदेश भलिवल संघको प्राविधिक सहयोग, पोखरा महानगरपालिका प्रवर्द्धन र गण्डकी प्रदेशको बिशेष सहयोगमा इतिहासमै पहिलोपटक अन्तर्राष्ट्रियस्तरको लायन्स कप भलिवल खेल आयोजना गर्न लागिएको उनले बताए ।
