पोखरा ।
पोखरामा एभरग्रीन एकेडेमी सञ्चालनमा आउने भएको छ । प्रतिभा एजुकेशन फाउन्डेसनले एभरग्रीन एकेडेमी सञ्चालनमा ल्याउने भएको हो । गुणस्तरीय शिक्षा प्रदान गर्ने उद्देश्यले हालसालैमात्र पोखरा–३ तेर्सापट्टीमा स्थापना गरेको एभरग्रीन एकेडेमी यसै शैक्षिक सत्रदेखि सञ्चालनमा आउन लागिएको बुधबार पत्रकार भेटघाट कार्यक्रम मार्फत जानकारी दिइएको हो । निजी बिद्यालय भएपनी विद्यालयमै नर्ससहितको हेल्थ डेस्क, पुस्तकालय राखिएको जनाइएको छ । तेस्तै विद्यालयमा तला चढ्न लिफ्ट पनि राखिएको छ ।
प्रतिभा एजुकेसन फाउण्डेसनद्वारा सञ्चालित प्रतिभा माविको शैक्षिक सफलतासँगै विद्यार्थीको बौधिक विकास र व्यक्तित्व निर्माणलाई सशक्त बनाउन प्रतिभा एजुकेसन मातहत नै रहनेगरी एभरग्रीन एकेडेमी सञ्चालनमा ल्याउन लागिएको प्रतिभा एजुकेसन फाउण्डेसनका अध्यक्ष नारायणप्रसाद पौडेलले जानकारी दिए । एकेडेमीको मुख्य उद्देश्य भनेको प्रत्येक विद्यार्थीको वैयक्तिक भिन्नतालाई सवलीकरण गराउनु हो, उनले भने,‘ विज्ञान, प्रविधि, इन्जिनियरिङ, कला र गणित (स्टीम) र उन्नत प्रणालीमा आधारित शिक्षा प्रदान गर्नू हो ।’
एभरग्रीन एकेडेमीले समावेशी र विद्यार्थी केन्द्रित शिक्षा प्रणालीलाई केन्द्रमा राखेर शैक्षिक गतिविधि सञ्चालन गर्ने प्रतिभा एजुकेसन फाउण्डेसनका निर्देशक किरण सापकोटाले बताए । ‘हामी केवल पाठ्यक्रम र परीक्षामा आधारित मात्र शिक्षा दिन्नौ, बरु विद्यार्थीलाई जीवनका विभिन्न पक्षमा सक्षम बनाउन चाहन्छौ ।’ उनले भने, उनका अनुसार एकेडेमीले विद्यार्थीको व्यक्तिगत आवश्यकतालाई ध्यानमा राखेर शिक्षा प्रदान गर्छ । विद्यार्थीको सोंच र सिर्जनात्मक क्षमता प्रकट गर्न र उनीहरुलाई भविष्यका चूनौतीसँग सामना गर्न सक्षम बनाउने हो । जसका लागि विद्यार्थीको प्राकृतिक जिज्ञासा र अन्वेषणको भावना अभिवृद्धि गर्नमा केन्द्रित रहेर अध्यापन गराईन्छ ।’
विद्यार्थीको समग्र व्यक्तित्व विकासको लागि विशेष योजना बनाएर शैक्षिक गतिविधि सञ्चालन गर्ने तथा शिक्षक र विद्यार्थीबीचको सहकार्यलाई पनि उत्तिकै प्राथमिकता दिने निर्देशक सापकोटाले बताए ।
