पोखरा ।
पोखराको पृथ्वीनारायण क्याम्पसमा स्वतन्त्र विद्यार्थी युनियन ९स्ववियु० चयनका लागि लागि आज बिहान देखि भएको मतदानमा हालसम्म २४.८१% प्रतिशतले मतदान गरेको निर्वाचन समिति संयोजक प्रा।डा रामचन्द्र पोखरेलले बताएका छन् ।
पोखरेलको अनुसार नौ हजार २७० जना विद्यार्थी मतदाता रहेकोमा हालसम्म २ हजार ३ सय मत खसेको हो ।
मतदान दिउँसो ४ बजेसम्म जारी रहने पोखरेलले जनाए । यस अगाडि ५ चैतमा मतपत्रमा देखिएको त्रुटि र त्यसका कारण उत्पन्न परिस्थितिका कारण स्थगित निर्वाचन आज (आइतबार) विहान ८ बजेबाट सुरु भएको हो ।
पृथ्वी नारायण क्याम्पसमा नौ हजार २७० जना विद्यार्थी मतदाता छन् । मंगलबार निर्वाचन समितिले छापेको मतपत्रमा अखिल छैटौँका उम्मेदवारको सूची नदेखिएपछि विवाद हुँदा चुनाव स्थगित भएको थियो ।
२०६५ सालपछि सुरु पिएनको २२ औँ स्ववियु अध्यक्षका लागि स्वतन्त्रसहित आठ जना अध्यक्षका उम्मेदवार प्रतिस्पर्धामा छन् । अहिलेको निर्वाचनमा अखिल नेपाल राष्ट्रिय स्वतन्त्र विद्यार्थी युनियन (अनेरास्ववियु) बाट विष्णु पौडेल, नेपाल विद्यार्थी संघ (नेविसंंघ) बाट सुशील न्यौपाने, अनेरास्ववियु (क्रान्तिकारी) बाट नवीन अधिकारी उम्मेदवार छन् ।
अनेरास्ववियू, अखिल समाजवादी र अखिल क्रान्तिकारीको संयुक्त प्यानलबाट सन्तोष पौडेल, प्राज्ञिक विद्यार्थी परिषदबाट दिप्सन गुरुङ र अखिल (छैटौँ) बाट मिलन सुनार अध्यक्षका उम्मेदवार छन् । कमल सुवेदी र विप्लपी न्यौपानेले स्वतन्त्र उम्मेदवारी दिएका छन् ।
