काठमाडौं ।
यमनका हुथी विद्रोही लक्षित अमेरिकाको पछिल्लो आक्रमणबाट ५३ जनाको ज्यान गएको छ । ज्यान गुमाउनेमा पाँच बालबालिकाहरु पनि छन् ।
हुथी विद्रोहीहरुका अनुसार सोमबार बिहान अल जौफ र हुदैदाह क्षेत्रमा अमेरिकाले हवाई आक्रमण गरेको थियो । अमेरिकाले शनिबार पनि हुथी विद्रोहीहरुलाई लक्षित गरी आक्रमण गरेको थियो ।
हुथी विद्रोहीले रेड सीमा आक्रमणलाई गरेपछि त्यसलाई रोक्ने उद्देश्यले अमेरिकाले उनीहरुविरुद्ध आक्रमण गरेको बताइन्छ ।आफ्नो आक्रमणबाट हुथीका केही नेताहरू मारिएको दाबी अमेरिकाले गरेको छ ।
अमेरिकी राष्ट्रिय सुरक्षा सल्लाहकार माइकल वाल्ट्जले एबीसी न्यूजसँग शनिबारको आक्रमणमा धेरै हुथी नेताहरूलाई लक्ष्य बनाइएको र मारिएको बताएका छन् । तर हुथी समूहबाट यसको पुष्टि भएको छैन ।
हुथी स्वास्थ्य मन्त्रालयका प्रवक्ता अनिस अल–असबाहीले एक्स ९पहिले ट्विटर० मा लेख्दै मृतकको संख्या ५३ पुगेको र तीमध्ये पाँच बालबालिका र दुई महिला रहेको जनाएका छन् । साथै, ९८ जना घाइते भएका उनले उल्लेख गरेका छन् ।
अमेरिकी रक्षा सचिव पिट हेगसेथले हुथी आक्रमण नरोकिएसम्म क्षेप्यास्त्र आक्रमण जारी रहने बताएका छन् ।
हुथी समूहले भने इजरायलले गाजाको नाकाबन्दी नहटाएसम्म र अमेरिकाले यमनमाथि आक्रमण नरोकेसम्म रेड सीमा अमेरिकी र इजरायलका जहाजलाई लक्षित गरी आक्रमण जारी राख्ने बताएको छ ।
