काठमाडौँ ।
दक्षिण अमेरिकामा आएको आँधीमा परेर कम्तीमा ३१ जनाको ज्यान गएको छ। तीमध्ये १२ जनाको मिसौरीमा ज्यान गएको बीबीसीले उल्लेख गरेको छ ।
यो आँधीले दक्षिणपूर्वी राज्यहरूमा ठुलो क्षति पुर्याएको छ। धेरै सवारी साधनहरू पल्टिएका छन् साथै धेरै घरहरूमा क्षति पुगेको छ।
क्यान्ससमा धुलोको आँधीबेहरीका कारण ५५ भन्दा बढी सवारी साधनहरू दुर्घटनामा परेका र उक्त दुर्घटनामा कम्तीमा आठ जनाको ज्यान गएको जनाइएको छ।
ट्र्याकर पावरआउटेजका अनुसार आधीका कारण शनिबार दिउँसो टेक्सास, मिसौरी र इलिनोइसलगायत छ राज्यका २.४ लाखभन्दा बढी घरमा बिजुली आपूर्ति बन्द भएको थियो।
मध्य मिसिसिपी, पूर्वी लुइसियाना र पश्चिमी टेनेसीमा गम्भीर मौसम चेतावनी जारी गरिएको छ। यी तीन राज्यहरू बाहेक, दक्षिणपूर्वमा मौसम खराब रहेकोले अलाबामा र अर्कान्सासका केही भागहरूमा पनि बाढीको चेतावनी जारी गरिएको छ।
