पोखरा ।

१३ औै संस्करणको पोखरा महोत्सव–२०८१ आज बिहीबारदेखी सुरु हुँदैछ । युनाइटेड क्लब, पोखराको आयोजनामा आज २५ पुसदेखि सुरु हुने महोत्सव ७ माघगते सकिने छ। महोत्सव अमरसिंहचौरमा आयोजना हुने आयोजक क्लबले जनाएको छ ।

महासचिव तथा प्रचारप्रसार संयोजक दिनेश सुनारको अनुसार १२ दिनसम्म सञ्चालन हुने महोत्सवमा विभिन्न प्रकारका २ सय ५८ स्टल राखिने छन् । महोत्सव साढे २ लाखसम्म दर्शकले अवलोकन गर्ने र महोत्सवबाट करिब २५ लाख बचत हुने आयोजकको अनुमान छ ।

क्लबले २०६७ सालमा पहिलोपल्ट पोखरा महोत्सव आयोजना गरी शिक्षा, स्वास्थ्य, खेलकुद र पर्यटन प्रवद्र्धन र सेती नदी संरक्षणसँगै पोखरामा खुला चिडियाखाना निर्माणमा पहलकदमी थाल्दै आएको छ ।

क्लबले पोखराको अर्चलेमा युनाइटेड छात्राबास निर्माण थालनीसमेत गरेको छ । महोत्सवको पूर्व सन्ध्यामा क्लबले आफ्नै जग्गामा युनाइटेड छात्राबासको शिलान्यास समेत गरिसकेको र १३ औं संस्करणको पोखरा महोत्सवपश्चात छात्राबासको कामको सुरुवात हुने क्लब अध्यक्ष लोकबहादुर थापाले बताए ।

दैनिकरुपमा कलाकारको प्रस्तुति हुनेछ । टिकटक, चेस प्रतियोगिता सहित अष्ट्रिच प्रदर्शनीसमेत महोत्सवको अर्को आर्कषण हो ।