काठमाडौं ।
आईसीसी टी-२० विश्वकप एसिया इस्ट प्यासिफिक छनोटअन्तर्गत समूह चरणको खेल अन्तर्गत आज समूह चरणको एक खेलअघि नै सुपर सिक्समा पुगिसकेका नेपाल र जापान बीच प्रतिस्पर्धा हुँदैछ ।
दोस्रो खेलमा आज शुक्रबार नेपाली समयअनुसार ओमान क्रिकेट मैदानमा हुने खेल दिउँसो सवा ४ बजे सुरु हुनेछ ।
समूह बीमा लगातार दोस्रो हार बेहोर्दै कतार समूह चरणबाट बाहिरिसकेको छ । कतारको लगातार दोस्रो हारले नेपाल र जापान एक खेलअघि नै सुपर सिक्समा पुगेका हुन् ।
नेपालले समूह चरणको पहिलो खेलमा कतारलाई ५८ रनले हराएको हो ।जापानले कतारलाई ५ विकेटले हराएको हो ।
नेपाल रहेको समूह बीमा कुवेतसँगै जापान छन् । समूह एमा मलेसिया, कतार र यूएई छन् । समूह सीमा ओमान, पपुवा न्युगिनी र सामोआ छन् ।
एसिया एन्ड इस्ट एसिया छनोटमा सहभागी ९ टोलीलाई तीन समूहमा विभाजन गरिएको छ ।
हरेक समूहका शीर्ष दुई टोलीले सुपर सिक्समा स्थान बनाउनेछन् । सुपर सिक्सको शीर्ष ३ मा रहने टोलीले विश्वकपमा स्थान बनाउनेछन् ।
