काठमाडौं ।
नवनियुक्त ऊर्जामन्त्री कुलमान घिसिङले आफूलाई माननीय नभन्न आग्रह गरेका छन् । सोमबार मन्त्रालयमा पुगेर पदभार ग्रहण गर्दै मन्त्री घिसिङले यस्तो बताएका हुन् ।
‘हामी माननीय होइनौँ, सेवा गर्न आएका हौ । माननीय भन्ने शब्द कसैले प्रयोग नगर्दिनुहोला’, मन्त्री घिसिङले आग्रह गरे । उनले बरु मन्त्रीज्यु भन्दा हुने बताए ।
देशलाई सही दिशातिर लान,समृद्धि र राजनीतिक स्थिरतातिर अघि बढाउनुपर्ने ठुलो चुनौतीलाई स्वीकारेर जिम्मेवारीमा आएको पनि मन्त्री घिसिङले बताए ।
संक्षिप्त लिखित मन्तव्य राख्दै मन्त्री घिसिङले पछिल्ला दिनमा राष्ट्रका होनहार युवाहरू गुमाउनुपरेको भन्दै उनीहरूको साहसले परिवर्तनको जग बसालेको बताए ।
