काठमाडौँ ।
क्रान्तिकारी कम्युनिस्ट पार्टीको राष्ट्रिय एकता महाधिवेशन बिहीबारदेखि काठमाडौँमा सुरु हुने भएको छ । महाधिवेशनको तयारी अन्तिम चरणमा पुगेको नेता हुकुम सिंहले जानकारी दिए ।
सिंहका अनुसार बुधबार आयोजक समितिको बैठक बस्नेछ । महाधिवेशनको उद्घाटन सत्रको दिन शान्तिबाटिकामा जम्मा भएर जुलुससहित न्यूरोडस्थिति भूगोल पार्कमा गएर सभामा परिणत हुने सिंहले बताए ।
मङ्सिर २३ गतेसम्म सञ्चालन हुने बन्दसत्रमा अध्यक्ष मोहन वैद्यले पेस गर्ने राजनीतिक तथा साङ्गठनिक प्रतिवेदनमाथि छलफल गरी परिमार्जनसहित पारित हुनेछ । महाधिवेशनमा देशभरबाट साढे तीन समय प्रतिनिधि सहभागी हुने सिंहले बताए ।
नेपाल कम्युनिस्ट पार्टीबाट आएका नेकपा बहुमत र नेकपा मसालबाट फुटेर आएका सन्तबहादुर नेपाली समूहबिच एकता महाधिवेशन हुने भनिएको थियो । तर नेकपा बहुमत एकता महाधिवेशनबाट अलग भएर छुट्टै महाधिवेशनको तयारीमा जुटेको छ ।
