नवलपरासी पश्चिममा बसबाट खसेर एक युवकको ज्यान गएको छ।
प्रतापपुर गाउँपालिक ९ खैरेनीमा त्रिवेणीबाट बर्दघाटतर्फ जाँदै गरेको लु १ ख ३६६३ नम्बरको बसबाट खसेर स्थानीय ३४ वर्षीय जगदीश थारुको ज्यान गएको हो।
शनिबार बसमा चढ्ने क्रममा उनी बसबाट खसेर गम्भीर घाइते भएका थिए। स्थानीय मेडिकलमा सामान्य उपचार पश्चात थप उपचारको लागि उनलाई भैरहवा मेडिकल कलेज रुपन्देही लगिएको थियो। उपचारकै क्रममा उनको ज्यान गएको प्रहरीले जनाएको छ।
दुर्घटनापछि बस चालकलाई पक्राउ गरिएको जिल्ला प्रहरी कार्यालय नवलपरासी पश्चिमका प्रहरी नायव उपरीक्षक रेशम बोहराले जानकारी दिए। मृतक युवकको शव पोष्टमार्टमका लागि पृथ्वीचन्द्र अस्पतालमा राखिएको छ।
