बागलुङ ।
रुकुमबाट काठमाडौं आउदै गरेको यात्रु बाहक बस दुर्घटना हुँदा कम्तीमा २१ जना घाइते भएका छन । मध्यपहाडी लोकमार्गको बागलुङ खण्डको निसीखोला ६ जाउलेपानीमा ना ८ ख ८४१४ नम्बरको बस दुर्घटना भएको हो ।

जिल्ला प्रहरी कार्यालय बागलुङका सूचना अधिकारी सुनिल शर्मा चिलवालका अनुसार दुर्घटनमा चार जना गम्भिर र १७ जना सामान्य घाइते भएका छन् । बसमा ४० जना सवार रहेका थिए । घटनाको थप विवरण आउन बाँकी छ ।