मुस्ताङ ।
मुस्ताङमा साढे ८ लाख नगदसहित १२ जना जुवाडे पक्राउ परेका छन् । पक्राउ पर्नेहरुमा मुस्ताङ घरपझोङ गाउँपालिका वडा नं २ मार्फाका ५० वर्षिय सुरज लालचन, सोही ठाउँ बस्ने ५६ वर्षिय राजु लालचन, ५० वर्षिय जेम्स हिराचन, ५३ वर्षिय गुन्ज हिराचन, ६० वर्षिय दल बहादुर हिराचन, ५० वर्षिय विश्व लालचन, पोखरा ९ स्थायी घर भइ मुस्ताङ घरपझोङ गाउँपालिका २ बस्ने ५९ वर्षिय आईत ज्वारचन, मार्फाका ३८ वर्षिय समिर ज्वारचन, सोही ठाउँका ५० वर्षिय कविन ज्वारचन, ६५ वर्षिय याम प्रसाद मगर ४० वर्षिय सन्तोष लालचन र पोखरा ९ स्थायी घर भइ हाल मुस्ताङ मार्फा बस्ने ६० वर्षिय कमल हिराचन रहेका छन ।

आइतबार राति घरपझोङ गाउँपालिका–२ मार्फास्थित फिरोज लालचनको माउन्ट भिल्ला एण्ड रेष्टुरेन्टबाट उनीहरुलाई नियन्त्रणमा लिइएको प्रहरीले जनाएको छ ।उनीहरूको साथबाट ८ लाख ५२ हजार ८०० नगदसहित ८ बुक तास बरामद गरिएको प्रहरीले जनाएको छ । पक्राउ परेकाहरूलाई मंगलबार म्याद थप गरेर थप अनुसन्धान गरिने जिल्ल्ला प्रहरी कार्यालय मुस्ताङका सूचना अधिकारी गणेश सुवेदीले जानकारी दिए ।