पोखरा ।
पोखरा महानगरपालिका वडा नम्बर १० बुद्धचोकमा रहेको ‘द स्केट पार्क’ मा आगलागी भएको छ ।
हिजो(सोमबार) साँझ ८ बजेर २० मिनेटको समयमा ट्रस र जस्ता पाताले बनेको बाँसले बारेको उक्त स्केट पार्कमा विद्युत सर्ट भई आगलगाी भएको जिल्ला प्रहरी कार्यालय कास्कीले जानकारी दिएको छ ।
पोखरा महानगरपालिका वडा नम्बर ५ जिरो कि.मि बस्ने कृष्ण ढकाल र वडा नम्बर १४ चाउँथे बस्ने अनिल ढकालले उक्त स्केट पार्क संयुक्त रुपमा संचालन गर्दै आएका थिए ।
आगलागीबाट द स्केट पार्क पूर्णरुपमा जलेको छ । यद्यपि मानवीय क्षति भने नभएको प्रहरीले बताएको छ । उक्त आगो वडा प्रहरी कार्यालय रामबजार कास्कीबाट खटिएको प्रहरी, दमकल र स्थानियको सहयोगमा ९ बजे पूर्ण रुपमा नियन्त्रणमा आएको थियो ।
आगलागीबाट ६५० वटा स्केट जुत्ता , ३ वटा कम्प्युटर,४३ ईन्चको एउटा टि.भी, एउटा जेनेरेटर, २ वटा ईनभटर ब्याट्री, पुरानो तथा स्केट जुत्ताका पार्टसहरु पनि जलेर नष्ट भएको छ ।
