तेल अभिभ ।
इजरायली प्रधानमन्त्री बेन्यामिन नेतन्याहुले माफी मागेका छन् । गाजामा ६ इजरायली बन्धक शनिबार मृत भेटिएका थिए । बन्धकहरूलाई फिर्ता ल्याउन असफल भएको भन्दै नेतन्याहुले इजरायली जनतासँग माफी मागेका छन् ।
उता, हमासले पनि युद्धविराम सम्झौता भएन भने अन्य बन्धक पनि कात्रोमा घर फर्किन्छन् भनेर धम्की दिएको छ । सम्झौता वार्तालाई निस्कर्षमा पुर्याउने नेतन्याहुको तरिकाबारे इजरायलमा दोस्रो रात पनि विरोध प्रदर्शन जारी रहँदा उनको यो अभिव्यक्ति आएको हो । अर्को तर्फ अन्तर्राष्ट्रिय स्तरबाट पनि नेतन्याहुमाथि दबाब बढिरहेको छ ।
इजरायलले आफूले दिएको हतियार अन्तर्राष्ट्रिय कानुनको उल्लङ्घन गर्न प्रयोग गर्न सक्ने भन्दै बेलायतले हतियार दिन रोक लगाएको छ । तर नेतन्याहु आफ्नो अडानमा अड्डी लिएर बसिरहेका छन् । गाजाको फिलाडेल्फी करिडोरमा इजरायली नियन्त्रण जरुरी रहेको उनको भनाई छ । हमाससँगको युद्धविराम वार्तामा यो करिडोर मुख्य मुद्दा बनेको छ ।
