पोखरा ।
पोखरा ३ नदीपुरमा हालै सञ्चालनमा आएको इलाइट भलिवल एकेडेमीमा क्लवस्तरीय पुरुष भलिबल प्रतियोगिता हुने भएको छ । फोर ब्रदर्श पोखरा र लभर्स ट्री रेष्टुरेण्ट पोखराको संयुक्त आयोजनामा आगामी भदौको ४ र ५ गते भलिवल प्रतियोगिताको आयोजना हुने भएको हो ।

प्रतियोगिता संयोजक समित गुरुङका अनुसार प्रतियोगिताको बिजेताले नगद ६० हजार, शिल्ड, मेडल र प्रमाणपत्र , उपबिजेताले नगद ३५ हजार, शिल्ड, मेडल र प्रमाणपत्र प्राप्त गर्नेछन । प्रतियोगिताको सर्वोत्कृष्ट खेलाडीले ३ हजार पुरस्कार प्राप्त गर्नेछन् । प्रतियोगितामा टीम दर्ता शुल्क ४ हजार रुपैयाँ राखिएको आयोजकले जनाएको छ ।

खुल्ला क्लबस्तरीय भलिबल प्रतियोगिताका खेलकुद संयोजक मलिन रोका मगरले युवाहरुमा रहेको अन्तरनिहित प्रतिभालाई प्रस्फुटन गर्न प्रतियोगिता आयोजना गरिएको बताए ।खेलकुद संयोजक रोकाले खुल्ला क्लबस्तरीय भलिबल प्रतियोगितामा युवाहरु लक्षित भएकाले राष्ट्रिय, प्रदेश र क्षेत्रीय भलिबल प्रतियोगिता खेलेका १ जना खेलाडी मात्र टिममा समावेश गर्न पाइने बताए ।