पोखरा ।
पोखरामा हिजो बाढीले बगाउँदा एक पुरुषको ज्यान गएको छ ।
फेवातलको स्रोत हर्पन खोलामा माछा मार्न गएका बागलुङ्ग घर भई हाल पोखरा १८ खपौदी बस्ने अन्दाजी ३१ वर्षका सुकबहादुर मगरको ज्यान गएको हो । माछा मार्न गएका सुकबहादुर अचानक खोलामा बाढी आउँदा बगाई बेपत्ता भएका थिए ।
उनी सशस्त्र प्रहरी बल नेपाल नं २४ कालिका गण कास्कीको फेवातालमा तैनाथ एपिएफ रेस्क्यू वाच टावरको विशेष विपद् उद्धार एवं गोताखोर टोलीले खोजी गर्दा मृत अवस्थामा भेटिएका हुन् ।
उनी बेपत्ता भएको खवर सशस्त्र प्रहरीलाई साँझ करिव ५ बजे प्राप्त भएको थियो ।
