लमजुङ ।
डुम्रे – बेँसीसहर सडकखण्ड पहिरोले अवरुद्ध बनेको छ ।
गए रातिदेखिको निरन्तर परेको वर्षाले बेँसीसहर नगरपालिका–१ दलालमा लेदोसहितको पहिरो जाँदा आज बिहानदेखि सडक अवरुद्ध भएको जिल्ला प्रहरी कार्यालय लमजुङले जानकरा दिएको छ ।
सडक खुलाउन प्रहरी टोली परिचालन भए पनि पानी निरन्तर परिरहेकाले समस्या भएको सूचना अधिकारी थानेश्वर चपाईंले जानकारी दिएका छन् सडक अवरुद्ध हुँदा सवारीसाधन तथा यात्रु अलपत्र परेका छन् ।
बेँसीसहरबाट काठमाडौँ, पोखरा, चितवनलगायतका स्थानमा जाने यात्रु र सो स्थानबाट बेँसीसहर र बेँसीसहर हुँदै हिमाली जिल्ला मनाङ जाने यात्रु समस्यामा परेका हुन् । बिरामी बोकेको एम्बुलेन्ससमेत रोकिएका छन् । यस वर्ष यो सडक पहिलोपटक अवरुद्ध भएको हो ।
