पोखरा ।

पोखरा १४ को सितलटोलमा पार्किङ गरेर राखेको मोटरसाइकल चोरेर लैजाँदै गर्दा एक युवक पक्राउ परेका छन् । ग १५ प ३१९ नम्बरको पल्सर मोटरसाईकल सोमबार चोरी गरेर लैजाँदै गरेको अबस्थामा वडा नंबर १४ शितलटोल बस्ने २१ वर्षीय सुवास तामाङलाई पक्राउ गरिएको जिल्ला प्रहरी कार्यालय कास्कीले जानकारी दिएको हो ।

नक्कली चावी प्रयोग गरी चोरी गरी लगेको भन्ने जाहेरीको आधारमा वडा प्रहरी कार्यालय रामबजार कास्कीबाट खटिएको प्रहरी टोलीले मोटरसाइकल घिसार्दै लगि रहेको अवस्थामा पक्राउ गरेको कास्की प्रहरी प्रवक्त एवं प्रहरी नायव उपरीक्षक बसन्त कुमार शर्माले जानकारी दिए ।

उनका अनुसार पक्राउ परेका तामाङलाई जिल्ला अदालत कास्की बाट चोरी तथा डाँका सम्बन्धी कसूरमा सात दिन म्याद थप गरी अनुसन्धान प्रकृया अगाडी बढाईएको छ।