पोखरा ।
लागू औषध खैरो हिरोइन सहित दुइ युवा पक्राउ परेका छन । पक्राउ पर्नेमा पोखरा ३० खुदीका २६ वर्षिय किरण पौडेल र सोही ठांउकै २४ वर्षिय बसन्तराज घिमिरे रहेका छन ।

लागू औषधको कारोबार भइरहेको भन्ने सुचनाको आधारमा ईलाका प्रहरी कार्यालय शिसुवाबाट खटिएको प्रहरी टोलीले बैशाख ३० गते दिउसो १ बजेको समयमा पोखरा ३० खुदी स्थित सडक किनारमा पार्किङ गरी बसेको ग ११ प ७७४५ नम्बरको स्कुटरका चालक किरण पौडेल र बसन्त राज घिमिरेको शरीर खान तलास गर्दा उनीहरुको साथबाट खैरो हिरोइन ६ सय २० ग्राम र दुइ थान मोवाइल फेला परेको कास्की प्रहरी प्रवक्ता प्रहरी नायव उपरीक्षक बसन्तराज शर्माले जानकारी दिए ।

प्रवक्ता शर्माका अनुसार पक्राउ परेका पौडेल र घिमिरेलाई लागू औषध मुद्धामा अदालतबाट सात दिनको म्याद थप गरी अनुसन्धान प्रकृया अगाडी बढाइएको छ ।