काठमाडौं ।
नेपाली कांग्रेसका महामन्त्री गगन थापाले आफूहरु अहिले सरकार परिवर्तनको खेलमा नरहेको बताएका छन् ।
कांग्रेसको आज बसेको पदाधिकारी बैठकपछि उनले यस्तो बताएका हुन् । सरकार निर्माणमा एमाले कांग्रेस मिल्ने सम्भावना समेत नरहेको उनले उल्लेख गरे ।
‘हामी कुनै पनि सरकार परिवर्तनको खेलमा छैनौं । आज पनि हामीले लामो छलफल गर्यौं कुनैपनि नेताहरुले भनिरहेको कुरालाई ठिक ढंगबाट व्यक्त गर्न सक्नुभएन होला । बुझाइ फरक पर्न गयो होला ।
हामी अहिले एमालेसँग मिलेर सरकार बनाउनुपर्छ कांग्रेस एमाले मिल्नुपर्छ भन्ने कुनै पक्षमा छैनौं । हामीलाई त्यतातिर कुनै चासो छैन अहिले’ उनले भने ।
