पोखरा ।

कास्की प्रहरीले गाँजासहित एक जनालाई पक्राउ गरेको छ । पोखरा महागनरपालिका तालचोकबाट १० केजी गाँजासहित गोरखा सुलिकोट ४ घर भई सो वडा बतासे बस्ने २४ वर्षीय मदन नेपालीलाई पक्राउ गरेको कास्की प्रहरीले जानकारी दिएको छ ।

उनलाई शनिबार बिहान अन्दाजी २ः४० बजेको समयमा पोखरा–२७ तालचोक स्थित पृथ्बी राजमार्ग सडक खण्डमा पक्राउ गरिएको हो । ईलाका प्रहरी कार्यालय शिसुवाबाट खटिएको प्रहरी टोलीले सवारी साधन चेकजाचँ गर्ने क्रममा पोखरातर्फ आउँदै गरेको ग १ च ५१३२ नम्बरको कारलाई रोकेर चेकजाँच गर्दा कारको डिक्की भित्र रातो प्लाष्टिकमा पोका पारी लुकाई राखेको अवस्थामा गाँजा पक्राउ गरिएको हो ।

तौल गर्दा ९ केजी ८०० ग्राम रहेको गाँजा र १ थान मोवाईलसहित उनलाई पक्राउ गरिएको जिल्ला प्रहरी कार्यालय कास्कीका प्रवक्ता श्रवणकुमार विकले जानकारी दिए ।

पक्राउ परेका नेपालीलाई कास्की जिल्ला अदालतबाट लागू औषध सम्बन्धी मुद्दामा दिन १० म्याद थप गरी अनुसन्धान प्रक्रिया अगाडि बढाईएको प्रहरीले बताएको छ ।