सुर्खेत ।
कालिकोटमा आगोमा जलेर घाइते भएकी एक बालिकाको उपचारको क्रममा ज्यान गएको छ ।
खाँडाचक्र नगरपालिका–५ दाम्रीको नवदुर्गा सामुदायिक वनमा आगलागी हुँदा जलेर गम्भीर घाइते १२ वर्षीया हेमन्ती चौलागाईंको कर्णाली प्रदेश अस्पतालमा उपचारको क्रममा ज्यान गएको हो ।
शुक्रबार दिउँसो ३ बजे गाउँ नजिकैको सामुदायिक वनमा लागेको आगो निभाउन जाँदा खाँडाचक्रका ५० वर्षीय नन्दराम चौलागाईं र उनकी छोरी हेमन्ती आगोले जलेर घाइते भएकी थिइन् ।
घाइते हेमन्तीको आइतबार दिउँसो १ स् ४० बजे उपचारको क्रममा ज्यान गएको प्रदेश अस्पतालका डा. केएन पौडेलले जानकारी दिए । उनका बुवा नन्दरामको पनि अवस्था गम्भिर रहेको अस्पतालले जनाएको छ ।
