पोखरा ।

भोलि हुने राष्ट्रियसभा अध्यक्षको निर्वाचनका लागि आज उम्मेदवारी दर्ता हुँदै छ । उम्मेदवारी दर्ताको समय बिहान ११ बजेदेखि दिउँसो १ बजेसम्म तोकिएको संघीय संसद् सचिवालयले जनाएको छ । दर्ता प्रक्रिया सकिनासाथ आजै दिउँसो साढे १ बजे उमेदवारको नामावली प्रकाशित हुने कार्यतालिका छ ।

संसद् सचिवालयले मंगलरबार अध्यक्षको निर्वाचन हुने कार्यतालिका सार्वजनिक छ । सत्ता सझोदार दलहरु बीच माओवादी केन्द्रले राष्ट्रियसभाको अध्यक्ष र एमालेले उपाध्यक्ष पाउने समझदारी छ । माओवादी केन्द्रले अध्यक्षमा नारायण दाहाललाई उम्मेदवार बनाउने निर्णय गरिसकेको छ । उनी प्रधानमन्त्री एवं माओवादी अध्यक्ष प्रचण्डका भाइ हुन् ।

प्रमुख प्रतिपक्षी दल नेपाली कांग्रेसले सांसद युवराज शर्मालाई उम्मेदवार बनाउने निर्णय गरेको छ । यस अगाडि कांग्रेसले कृष्ण सिटौलालाई राष्ट्रिय सभा अध्यक्ष बनाउने तयारी गरेको बताइएपनि नयाँ सत्ता समिकरण बनेपछि कांग्रेसले शर्मालाई उम्मेदवार बनाउने निर्णय गरेको हो ।

नयाँ गठबन्धनमा तलमाथि नभए दाहाल राष्ट्रियसभा अध्यक्ष बन्ने निश्चित छ ।