पोखरा ।
त्रिकोणात्मक टी-२० आई सिरिजमा नेपाल नेदरल्याण्डसलाई पराजित गर्दै नेपाल फाइनलमा प्रवेश गरृको छ । शनिबार कीर्तिपुर मैदानमा नेदरल्यान्डलाई ६ विकेटलृ पराजित गर्दै नेपाल फाइनलमा प्रवेश गरेको हो । १२१ रनको लक्ष्य पछ्याएको नेपालले १५.२ ओभरमा ४ विकेट गुमाएर भेट्टायो ।

नेपालको जितमा कप्तान रोहित पौडेलले ४६, गुल्सन झाले ३८, कुशल भुर्तेलले १२ र आसिफ सेखले ८ रन जोडे ।

टस जितेर पहिले ब्याटिङ गरेको नेदरल्याण्ड्सले १९। ३ ओभरमा सबै १० विकेट गुमाएर १२० रन बनाएको थियो ।

नेदरल्याण्ड्सका म्याक्स ओडाउडले सर्बाधिक ३१ रन बनाए । टिम भान डर गुगटेन र रोलेफ भान डर मर्वेले २३/२३ र स्कट एडवार्ड्सले १८ रन बनाउन बाहेक अन्य ब्याटरले दोहोरो अंक बनाउन सकेनन् ।