पोखरा ।
पत्रकार घनश्याम पाण्डे सम्मानित भएका छन् । महिला पर्यटन व्यवसायी मञ्च (ओटेफ)ले छैटौं साधारणसभाको अवसरमा उनलाई सम्मान गरेको हो ।

पोखरा महानगरका प्रमुख धनराज आचार्यले पाण्डेलाई दोसल्लासहित सम्मान पत्र र नगद प्रदान गरेर सम्मान गरेका हुन् ।  पत्रकारिताका माध्यमबाट पर्यटन विकासमा योगदान गरेकामा उनलाई सम्मान गरिएको ओटेफका अध्यक्ष उमा रेग्मी भण्डारीले जानकारी दिइन् ।

सम्मानित पाण्डे प्रेस सेन्टर गण्डकी प्रदेश समितिको वरिष्ठ उपाध्यक्ष तथा पर्यटन पत्रकार महासंघ गण्डकीको महासचिव हुन् । हाल उनी पोखरा टेलिभिजनमा समाचार प्रमुखको रुपमा कार्यरत छन् । पाण्डेले दुई दशकदेखी निरन्तर पत्रकारिता गरिरहेका छन् । पाण्डे यस अगाडि विभिन्न पुरस्कारबाट पुरस्कृत भइसकेका छन् ।